«Барселона» собиқ президенти Хосеп Бартомеу клубда ишлаган даврда ҳақорат ва таҳдидларга учрагани ҳақида гапирди.

"Мен ва оилам, шунингдек директорлар кенгаши аъзолари ҳақорат қилинди, таҳдидларга учрадик. Оммавий ахборот воситаларида ҳам ҳақорат қилинди, бу қабул қилиш мумкин бўлган чегаралардан чиқиб кетганди.

Бизнинг нималарнидир яшираётганимиз ҳақида гапирилди. Буларнинг барчаси ёлғон. Менинг қаршилик кўрсатиш қобилиятим катта эканлиги айтилди, лекин менда бор нарса — катта тажриба.

Мен ҳар доим ўзимизга танқидий муносабатда бўлиш бизни янада кучайтиради деб ҳисоблаганман. Сўнгги ойларда бошимиздан кечирган воқеалар барча чегараларни кесиб ўтди", — деди Хосеп Бартомеу.

Эслатиб ўтамиз, аввалроқ Бартомеу истеъфога чиққанини эълон қилганди. У 2014 йилдан бери мазкур лавозимда ишлаб келаётганди.