Португалиянинг "Бенфика" клуби бош мураббийи Жорже Жезуш жамоасини "Барселона" билан солиштиришларини хоҳламаслигини айтиб ўтди.
"Бенфика" ҳозирги "Барселона"га ўхшайди демаган бўларди ва биз улардек бўлишни хоҳламаймиз. Илтимос, бизни ҳозирги "Барселона" билан таққосламанглар! Бир неча йил аввалги "Барселона" бўлса бошқа гап эди. Ҳозир "Барселона"да ҳеч нарса йўқ", - деди Жезуш AS нашри билан суҳбатда.
"Бенфика" 5 ўйинда 15 очко жамғариб, Португалия чемпионатида карвонбошилик қилмоқда. "Барселона" эса 5 та ўйинда 7 очко жамғариб, 12-поғонани банд этиб турибди.
