Каталониянинг "Барселона" клуби бош мураббийи Роналд Куман жамоа ёш футболчиси Ансу Фати ҳақида фикр билдирди.
"Фатига ўсишда давом этишини маслаҳат берган бўлардим. Биз у билан кеча концентрацияни узайтириш борасида гаплашиб олдик. Унинг тез-тез тўпни йўқотишига сабаб концентрациянинг камлиги билан боғлиқ.
У яхши, иқтидорли футболчи. Унинг потенциали юқори, биз эса унга энг зўр футболчи бўлишида ёрдам беришимиз керак. У яхши футболчи бўлиб етишиб чиқиши учун концентрацияни сақлаб қолиши керак", - деди Куман Marca нашрига.
