Германиянинг «Шальке» клуби Бундеслиганинг 6-турида ўз майдонида «Штутгарт» клубини қабул қилди ва 1:1 ҳисобида дуранг ўйнади.
Шу тариқа, ўтган мавсумдаги "ғалабасиз серияси"ни қўшиб ҳисоблаганда гельзенкирхенликлар Бундеслигада 22 ўйиндан бери ғалаба қозона олмаяпти. Бу Бундеслига тарихидаги иккинчи узун серия саналади.
"Шальке" сўнгги ғалабасини шу йилнинг 17 январь куни Менхенгладбахнинг «Боруссия» клуби (2:0) устидан қозонганди. Шундан сўнг «Шальке» чемпионатда 14 та мағлубият ва еттита дуранг қайд этди.
Айни пайтда "Шальке" клуби сўнгги ўринларнинг бирини эгаллаб турибди. Улар ҳисобида атиги 2 очко мавжуд ва тўплар нисбати 3:20.
Клуб раҳбарияти яқинда жамоа бош мураббийи Дэвид Вагнерни истеъфога чиқариб, унинг ўрнига Мануэль Баумни тайинлаган эди.
