«Пари Сен-Жермен» ҳужумчиси Неймар клуб билан бир шарт билан янги шартномага имзо чекишга тайёр. Бу ҳақда "Footmercato" хабар тарқатди.
Манбага кўра, бразилиялик футболчи янги шартнома орқали ҳам ҳозирги маошининг сақланиб қолишини истамоқда. Ҳозирда унинг йиллик маоши 36 млн еврога тенг. Неймар бу ҳақда клуби президенти Носсир ал-Ҳелайфий билан учрашувда маълум қилган.
Клуб ҳанузгача 28 ёшли футболчи билан янги шартнома борасида музокара бошламагани ўйинчига ёқмаяпти. Унинг "ПСЖ" билан амалдаги шартномаси 2022 йилда якунига етади.