Англиянинг «Манчестер Сити» клуби бош мураббийи Пеп Гвардиола АПЛ доирасида «Шеффилд» (1:0) клубига қарши ўйиндан кейинги фикрлари билан ўртоқлашди.

«Жуда яхши ўйнадик. Яратган вазиятлардан фойдаланишга эришдик. «Шеффилд»га қарши ўйинда дарвоза томон 16 марта зарба бериш яхши натижа. «Шеффилд» сабр қилди, уларда атиги битта имконият бўлди.

Биз сўнгги етти кунда 3 та сафар ўйинини ўтказдик, бу куч талаб қилади. Футболчиларим яхши муносабатда бўлишди.

Уокер гол киритганидан хурсандман. Нафақат гол урганидан, балки, ундан талаб қилинаётган нарсаларни, ҳимояда қаерда пайдо бўлиш кераклигини жуда яхши тушуна бошлаганидан хурсандман. У «Шеффилд Юнайтед»нинг ишқибози, у бу клубни севади, лекин киритган голи ўзи учун муҳим эди», – деди Гвардиола.