Angliyaning «Manchester Siti» klubi bosh murabbiyi Pep Gvardiola APL doirasida «Sheffild» (1:0) klubiga qarshi o‘yindan keyingi fikrlari bilan o‘rtoqlashdi.

«Juda yaxshi o‘ynadik. Yaratgan vaziyatlardan foydalanishga erishdik. «Sheffild»ga qarshi o‘yinda darvoza tomon 16 marta zarba berish yaxshi natija. «Sheffild» sabr qildi, ularda atigi bitta imkoniyat bo‘ldi.

Biz so‘nggi yetti kunda 3 ta safar o‘yinini o‘tkazdik, bu kuch talab qiladi. Futbolchilarim yaxshi munosabatda bo‘lishdi.

Uoker gol kiritganidan xursandman. Nafaqat gol urganidan, balki, undan talab qilinayotgan narsalarni, himoyada qayerda paydo bo‘lish kerakligini juda yaxshi tushuna boshlaganidan xursandman. U «Sheffild Yunayted»ning ishqibozi, u bu klubni sevadi, lekin kiritgan goli o‘zi uchun muhim edi», – dedi Gvardiola.