Сocа Cola Суперлигасининг 22-турида Муборакнинг «Машъал» жамоаси Муборакда «Локомотив»га қарши майдонга тушади.
Учрашув расмийлари
Муборакда бўлиб ўтадиган "Машъал " – “Локомотив ” учрашувини Элёр Турсунов бошқариб боради. Унга қанотларда Шоҳруҳ Аъзамов ва Шоҳнур Йўлдошев ёрдам беришади. Учрашувда захира ҳаками сифатида Шухрат Ражабов ишлайди. Ҳакамлар ишини Олег Дачев назорат қилади. Учрашув комиссари: Бекзод Арипов.
Биринчи давра
14 июль куни биринчи давранинг 9-турида бўлиб ўтган учрашувуда “Газчи”лар 1-0 ҳисобида ғалаба қозонган. “Машъал”нинг ягона голини 71 дақиқада Нажмиддин Нормуродов киритган.
Ўзаро ўйинлар
Жамоалар чемпионат баҳсларида 25 баҳсда тўқнаш келишган. Уларнинг 13тасида "Локомотив ", 10тасида "Машъал" ютуққа эришган. 2 ўйин дуранг билан якунланган. Муборакликлар рақиб дарвозасини 28 бор ишғол қилган бўлсалар, Локо эса 33та гол киритган.
“Машъал” олий лигада “Локомотив” устидан 4:1 ҳисобида ғалаба қозонган. Бу ўзаро ўйинлардаги воҳа клубининг энг йирик ғалабасидир. “Локомотив”нинг ўзаро ўйинлардаги энг йирик ғалабаси эса 4:0 бўлиб турибди.
Бошланиш вақтлари
“Машъал” – “Локомотив" учрашуви 2-ноярбь, душанба куни соат 16:00да бошланади. Учрашув "Спорт" телеканалидан тўғридан тўғри олиб кўрсатилади.
