Москванинг «Локомотив» клуби ЕЧЛ доирасида Мадриднинг «Атлетико» клубига қарши бўлиб ўтадиган ўйинга жиддий тайёргарлик кўрмоқда. "Локо" футболчиси Гжегож Крыховяк мадридликлардан очко тортиб олишга ишонмоқда.

«Эртага биз ўтган ўйинга қараганда самаралироқ ўйнашимиз керак. Тўғри, "Бавария"га қарши ўйинда ҳам ҳурмат қозонгандик, лекин эртага яна-да яхшироқ ўйнашимиз керак. Биз ўзимизга, қобилиятимизга ишонамиз.

Бошқа жамоалар сингари «Атлетико»ни ҳам жуда яхши биламан. «Локомотив» бу клуб билан жуда кўп учрашган ва ҳеч қачон осон бўлмаган. Ўйлайманки, эртага жуда қийин ўйин бўлади, лекин биз «Атлетико» билан жанг қилишга тайёрмиз, барчаси ўз қўлимизда», – деди ярим ҳимоячи.