«Интер» ярим ҳимоячиси Артуро Видаль Европа чемпионлар лигаси гуруҳ босқичи 3-тури доирасида бўлиб ўтадиган «Реал»га қарши ўйин арафасида ўз фикрини билдириб ўтди.

«Умид қиламан, «Реал» устидан қозонилажак ғалабани «Интер» ва «Барселона» мухлислари билан биргаликда нишонлайман.

Мен турли жамоалар сафида «Реал»га қарши кўп марта майдонга тушганман. «Ювентус» таркибида уларни мусобақадан чиқариб юборгандик (ЕЧЛ-2014/15 ярим финалида), аммо «Бавария» билан бу ишни амалга оширмагансиз. Биз тўла куч билан ўйнашимиз керак.

Мен ҳали «Интер» сафида гол урмадим. Аммо мураббий мендан талаб қилган ишни амалга оширишга ҳаракат қиламан. Жамоага ёрдам бериш учун ҳар куни ишлаяпман.

Чемпионлар лигаси ҳамиша муҳим аҳамиятга эга, аммо, ҳар икки жамоанинг аҳволини инобатга олганда, «Реал» билан дуэл ҳал қилувчи аҳамиятга эга. Ғалаба қозониш учун қўлдан келган барча ишни қиламиз», — деди Видаль.

«Реал» — «Интер» учрашуви 3 ноябрдан 4 ноябрга ўтар кечаси Тошкент вақти билан 01:00да бошланади.