«Inter» yarim himoyachisi Arturo Vidal Yevropa chempionlar ligasi guruh bosqichi 3-turi doirasida bo‘lib o‘tadigan «Real»ga qarshi o‘yin arafasida o‘z fikrini bildirib o‘tdi.

«Umid qilaman, «Real» ustidan qozonilajak g‘alabani «Inter» va «Barselona» muxlislari bilan birgalikda nishonlayman.

Men turli jamoalar safida «Real»ga qarshi ko‘p marta maydonga tushganman. «Yuventus» tarkibida ularni musobaqadan chiqarib yuborgandik (ECHL-2014/15 yarim finalida), ammo «Bavariya» bilan bu ishni amalga oshirmagansiz. Biz to‘la kuch bilan o‘ynashimiz kerak.

Men hali «Inter» safida gol urmadim. Ammo murabbiy mendan talab qilgan ishni amalga oshirishga harakat qilaman. Jamoaga yordam berish uchun har kuni ishlayapman.

Chempionlar ligasi hamisha muhim ahamiyatga ega, ammo, har ikki jamoaning ahvolini inobatga olganda, «Real» bilan duel hal qiluvchi ahamiyatga ega. G‘alaba qozonish uchun qo‘ldan kelgan barcha ishni qilamiz», — dedi Vidal.

«Real» — «Inter» uchrashuvi 3 noyabrdan 4 noyabrga o‘tar kechasi Toshkent vaqti bilan 01:00da boshlanadi.