Англиянинг "Саутгемптон" клуби ҳужумчиси Дэнни Ингс тиззасидан олган жароҳати сабаб узоқ муддат давомида жамоасига ёрдам бера олмайди.
Англиялик футболчи "Астон Вилла" га қарши кечган баҳснинг 85-дақиқасида кескин тўқнашув сабаб майдонни эрта тарк этишига тўғри келди.
Бу ҳақда жамоа бош мураббийи Ралфь Хазенхюттль маълум қилди: "Ингс кеча машғулотларда қатнашаётган эди, лекин бугун у майдонга келмади. Операциядан тикланиш жараёнига камида 6 ҳафта муддат кетса керак. Бизда бошқа қарор йўқ, у дарҳол операция қилиниши керак", - дейди мутахассис.
Маълумот учун Ингс келаётган ФИФА кунлари доирасидаги "Ирландия" ҳамда "Бельгия"га қарши баҳсларни ўтказиб юбориши кутилмоқда.
