Марокаш пойтахти Работ шаҳрида йиғин ўтказаётган Футзал бўйича Ўзбекистон терма жамоаси бугун мезбонларга қарши дастлабки ўртоқлик учрашувини ўтказди.

Баҳс марокашликларнинг 5:3 ҳисобидаги ғалабаси билан якунланди. Африканинг амалдаги чемпионлари дастлаб дарвозамизга 5та гол уришган бўлса, баҳс сўнгида вакилларимиз 3та жавоб тўпини киритишга муваффақ бўлишди. Даврон Чориев дублга эришган бўлса, Акбар Усмонов битта гол муаллифига айланди.

Марокаш ва Ўзбекистон терма жамоалари ўртасидаги иккинчи ўртоқлик ўйини эртага бўлиб ўтади.

Футзал. Ўртоқлик ўйини
Марокаш - Ўзбекистон - 5:3
Голлар: Ҳамза Буёзан (8), Билол Баққолий (22, 29), Саад Книа (27), Анас эл-Айяне (30) — Даврон Чориев (33, 34), Акбар Усмонов (39)
Дастлабки бешлик: Рустам Умаров, Хушнур Эркинов, Машраб Одилов, Авазбек Абдувалиев, Анасхон Раҳматов
Захира: Илҳомжон Ҳамроев, Дилшод Раҳматов, Ҳусниддин Нишонов, Элбек Тўлқинов, Даврон Чориев, Акбар Усмонов, Равшан Элибоев, Жавлон Аноров, Суннатулла Жўраев