Мадриднинг "Атлетико" клуби бош мураббийи Диго Симионе Ла Лиганинг навбатдаги тури доирасидаги "Барселона"га қарши ўйин ҳақида ўз фикрларини билдириб ўтди.
"Менимча биз "Барса"га қарши қийналмай ўйнай оламиз. Ҳозирги таркибимдан қониқиш ҳосил қилмоқдаман. Муҳими, футболчиларимда иштиёқ йўқолмаган. Улар юқори динамикали ўйин намойиш этишмоқда. Мени қувонтирган нарса - кам дақиқа ҳаракат қилаётган футболчилар ҳам ўйинга тезда яхши киришиб кетишмоқда. Худди Эрнандес ва Льоренте каби", - дейди мутахассис.
Маьлумот учун, "Атлетико" айни дам турнир жадвалида 17 очко жамғариб, 1-поғонада кетмоқда. Шунингдек, "матрасчилар"да 23 та ўйинлик мағлубиятсиз серия ҳам бор. "Барселона"га қарши баҳс ФИФА кунларидан сўнг 22 ноябрьда ўтказилиши режалаштирилган.
