Римнинг «Лацио» клуби дарвозабони Пепе Рейна ўзини юқори савияли ўйинларини намойиш этишга кучи етарли эканлигини яширмади.
«Мен «Лацио» клуби билан икки йил шартнома имзолаганман. Шунингдек, кейинчалик уни яна бир йилга узайтириш ҳуқуқи ҳам бор. Агар биз мавсум якунига кўра еврокубокларга йўл олсак, клуб билан шартномам автоматик равишда бир йилга узаяди.
Яна А Серияда катта ютуқларга эришиш ниятидаман. Чунки, биз кейинги мавсумда еврокубокларда яхши натижаларга эришиш ниятидамиз. Гарчи ёшим 38да бўлсада, танам кучли юкламаларни қабул қилишга тайёр эканлигини ҳис қиляпман», — деди Пепе Рейна.
