Англия миллий терма жамоаси яқин кунлар ичида ФИФА кунлари доирасида баъзи ўйинларни ўтказиб олади. Кенгайтирилган таркибга эса Арон Уан-Биссака киритилмади. Мутахассис бунга изоҳ бериб ўтди.
«Арон истеъдодли ўйинчи, ҳозир у кучга тўла. Лекин бизни олдинда жуда муҳим баҳслар кутиб турибди. Мен бу ерда тажрибали ва стабил формадаги футболчиларни танлашга қарор қилдим. Унинг позициясида рақобат жуда кучли: Триппиер, Уокер ва Арнолдлар бор. Биз очколаримизни максимал қўлга киритишимиз керак. Биссака ҳали ёш ва менимча, унда кейинчалик етарлича имкониятлар бўлади», дейди Саутгейт.
Маълумот учун Уан-Биссака ўтган мавсум давомида Премьер-лига ҳимоячилари орасидаги энг кўп вазият яратган футболчилардан бири саналади.
