Каталониянинг «Барселона» клуби бош мураббийи Рональд Куман «Бетис» устидан 5:2 ҳисобида қўлга киритилган ғалабадан кейин жамоани хотиржамликка берилишига йўл қўймаслигини айтди.
«Бу чемпионлик амбицияларига эга жамоа учун чиройли ғалаба ҳисобланади. Ғалаба қозониш истаги нуқтаий-назаридан ҳар бир ўйинни мана шундай тарзда ўтказишимиз керак. Албатта, ўтказиб юборган икки голимиз менга ёқмади, бироқ «Бетис» ҳозир ажойиб формада. Бундай жамоаларга қарши ўйинда гол ўтказиб юборишнинг уятли жойи йўқ.
«Барселона» ҳеч қачон хотиржамликка берилмайди. Ўз кўрсаткичларимизни яхшилашимиз ва Ансу Фатини ўрнини қандай қилиб тўлдиришни ўйлашимиз керак», — деди Куман.
