Инсонлар орасида ит ёки мушукдан, баъзан эса баландликдан қўрқадиганлар етарлича топилади. Футболчилар ҳам бундан мустасно эмас. Бугун эътиборингизга машҳур футболчиларининг сиз билмаган фобиялари ҳақидаги қизиқарли маълумотларни тақдим этамиз.
Криштиану Роналду
Португалиялик футболчи қанчалар ноодатий туюлмасин ўз интервьюларидан бирида бизнинг бугунги саволимизга жавоб бериб ўтган. Унинг айтишича, Криш эрта оламдан ўтишдан қаттиқ қўрқади ва доим солиғи ва хафвсизлигини таъминлашга ҳаракат қилади. Унинг ҳаётда ягона қўрқадиган нарсаси шу бўлиб, унинг умид қилишича 90 ёшга қадар умр кўрмоқчи.
Киллиан Мбаппе
У дунёнинг энг кучли ҳимоячилари-ю, дарвозабонларидан заррача қўрқмаслиги мумкин, бироқ кичкинагина сичқондан ўлардек қўрқади. Жамоадошларининг айтиб беришича, футболчи ёшлар ўртасида Сербияда бўлган турнирда ўз хонасида ётишдан бош тортган ва у ерда сичқон кўргани ҳақида ҳаммага айтиб тўполон кўтарган. Оқибатда, меҳмонхона ходимлари Мбаппенинг хонасини алмаштиришган ва уни тонггача «қўриқлаш» мақсадида 3 та мушукни унинг номерига жойлаштиришган. Футболчининг ўзи ҳам фобияси тўғрисида бир неча бор телешоуларда айтиб ўтган.
Оливье Жиру
Aлфь лақабли қўғирчоқ ўтган аср сўнгида телеэкранларнинг юлдузига айланган эди. Футболчининг акалари Оливьени айнан ўша қўғирчоқ ёрдамида қўрқитишган ва айтганларини сўзсиз бажаришга ундашган. Бечора Оливье қўрққанидан гоҳида йиғлаб юборар, афсуски бу кичик деталга уйдагилар ортиқча эътибор қаратишмаган. Оқибатда, футболчи айнан шу телеқаҳрамонни кўриши билан ўзини ёмон ҳис қила бошлаши ҳозирга келиб ҳам тўхтамаган. Жирунинг айтиша:
“у чинакам «монстр» ва қўрқинчли махлуқ! Мен ҳалигача уни кўришдан чўчийман…”
Уэйн Руний
Руний болалик даврларида шарпалардан қаттиқ қўрққани сабабли, кечалари телевизорни ва хона чироқларини ёқиб ухлар эди. Буни қарангки, бу кейинчалик одатга айланиб қолади. Рунийнинг ўзи бу ҳақида шундай деган эди:
«Мен жим-жит ва қоронғи хонада сира ухлай олмайман.Кимдир мени ортимдан келаётгандек туюлаверади. Менга ёруғ ва шовқинли хона бўлиши шарт! Aкс холда ўзимни ёмон ҳис қилишни бошлайман…»
Футболчининг жамоадошларидан бири Видичнинг айтиб беришича, Руний тунда сафардан қайтиш чоғида ҳам ўз чироқларини ёқиб олар ва қулоқчинларидаги мусиқанинг овозини баланд қилиб хотиржам ухлаб кета олар экан. Қизиқ ҳолат, шундай эмасми?
Ҳудсон Одои
«Челси» клубининг келажаги деб қаралаётган футболчи секин-асталик билан катта футболга кириб келмоқда. Унинг фобияси кишини кулгисини қистасада, унда мантиқ мавжуд! Гап шундаки, Ҳудсон ёшлик чоғларида ҳайвонот боғида товус билан суратга тушаётган пайтида унинг ҳужумига учраган ва қуш унга яхшигина тан жароҳати етказган экан. Шу сабабли футболчи бир нечта руҳшунос билан ишлаган бўлсада, товусларга бўлган қўрқув уни сира тарк этмади. Ҳозирги кунда футболчининг товуслардан доим ўзини олиб қочишга уринишини тушунса бўлади.
Марко Вератти ва Фил Жонс
Яқиндагина Вератти «РБ Лейпциг»га қарши баҳс олдидан лифтда қамалиб қолган эди. Ёшлигидаёқ клаустрофобия билан оғрийдиган қаҳрамонимиз жуда қийин аҳволга тушиб қолди. Яхшиям-ки, у лифтда ёлғиз эмас эди. Aкс холда, бу жуда хунук аломатлар билан якун топиши аниқ эди. Қаҳрамонимизни ўзи истиқомат қиладиган уйлар осмонўпар бўлсада, доимо зиналардан фойдаланишга одатлангани бежиз эмас. Унинг тор жойда руҳий босиб остида қолиб кетиши борасида руҳшунослар ҳали-ҳамон иш олиб боришмоқда.
Aфсуски, футбол оламида клаустрофобияга чалинган ёлғиз у эмас. Ўзининг турли мемлари билан барчага яхши таниш бўлган Фил Жонс ҳам худди шу муаммо билан курашиб келмоқда. Ҳозирча, барчаси фойдасиз.
Денис Беркамп
Денисни «учмас голланд» лақаби ҳам айнан шу фобия билан боғлиқ. Собиқ футболчи ўз дўстининг авиаҳалокат сабабли оламдан ўтганини эшитгач, бошқа ҳеч қачон тайёрага чиқмасликка қарор қилади. Гап шундаки, у бундан аввал ҳам бир неча бор самолёт билан боғлиқ кўнгилсиз воқеаларга гувоҳ бўлган эди. Эътиборлиси шундаки, қаҳрамонимиз ўз қарорини ўзгартирмайди. Шу сабаб, уни футбол олами «учмас голланд» сифатида эслаб қолган десак, адашмаган бўламиз. Шунингдек Радек Ширл, Ули Ҳеннес, Пауло Герреро ва Aлександер Кержаковлар ҳам парвоздан жуда қўрқишларини яшириб ўтиришмайди.
Стивен Жеррард
«Ливерпуль» жамоасининг собиқ футболчиси ва «Глазго Рейнжерс» клуби мураббий ҳали-ҳамон турли микроб ва вируслардан қўрқади. Унинг деярли ҳар соатда қўлини ювиши «Энфилд»дагиларни кулгисига сабаб бўлсада, Жеррард фобиядан халос бўла олмади. У турли руҳшунослар билан ишлаган бўлсада, микроблардан қўрқув уни тарк этгани йўқ. Футболчининг турмуш ўртоғи ҳам буни бир неча бор ўз интервьюларида таъкидлаб ўтган.
