Бразилия терма жамоаси ва Англиянинг «Манчестер Сити» клуби ҳужумчиси Габриэл Жезус Неймар ҳақида фикр билдирди.
«ПСЖ» ҳужумчиси пентакампеонларнинг ЖЧ-2022 саралаш учрашувлари доирасида Венесуэла ва Уругвай терма жамоаларига қарши бўлиб ўтадиган ўйинларда майдонга туша олмайди.
«Неймар терма жамоа ва ўз клуби учун нақадар керакли ўйинчи эканлигини барчамиз биламиз. Унинг жамоамизга қанчалик ҳисса қўшишини ҳам биламиз. Ҳозир бизга унинг ўзи ва унинг савияли ўйини етишмаяпти. Лекин бу ердаги барча футболчилар жавобгарликни ўз бўйнига ола билади. Ҳамма нарсани Неймарнинг ўзи ушлаб тура олмайди.
Гарчи Неймар билан бирга ғалаба қозониш осон бўлса-да, бу ердаги барча футболчилар ўзимизнинг юқори савиядаги ўйининимизни кўрсатишимиз керак.
Албатта, Неймарни тезроқ майдонга қайтишини хоҳлаймиз. У гол уради, голли узатмаларни амалга оширади ва кўплаб ўзининг фойдали томонларини намойиш этади. Ҳозир жароҳат сабаб у биз билан бирга эмас, лекин, биз Неймарсиз ҳам ўйнай оламиз», – деди Жезус.
