«Валенсия» дарвозабони Яспер Силессен муваффақиятли жарроҳлик амалиётини ўтказди, лекин у тез орада сафга қайта олмайди.
Посбон бир ҳафта олдин машғулотлар жараёнида жароҳат орттирган бўлиб, кейинчалик жиддий операцияни бошидан кечиришига тўғри келди. «Мarca»нашрининг маълум қилишича, ҳозир унинг аҳволи яхши. Бироқ, мускул тўқималарининг тез шикастланишини олдини олиш мақсадида футболчи 3-4 ой давомида майдонга туша олмайди.
Эслатиб ўтамиз, Силессен «кўршапалаклар» таркибига ўтган ёзда «Барселона»дан келиб қўшилган бўлиб, 24 ўйинда майдонга тушган эди. Лекин жорий мавсумда асосий таркибнинг кўп баҳслари иккинчи посбон хисобланувчи Жауме Доменекка ишониб топширилмоқда.
