Ла Лига раҳбари Хавьер Тебас Лионель Месси ва Серхио Рамосларнинг бошқа чемпионатга ўтиши мумкинлиги ҳақидаги хабарларга ўз муносабатини билдирди.

«Шубҳасиз, мен уларнинг кетишини хоҳламаган бўлардим. Лекин, агар бу содир бўлган тақдирда ҳам, уларнинг ўрнини босишимиз учун барчамиз янада кўпроқ ишлашимизга тўғри келади. Роналду кетганлигини "Твиттер"даги нафратланувчи ўқувчилар менга эслатишади. Бироқ, Сизни ишонтириб айта оламанки, у кетгани билан бизда ҳеч нарса ўзгариб қолмади.

Тўғрисини айтсам, Роналду келгани билан А Серияси кучайиб қолди деб ўйламайман. У ерда Роналдунинг келгани айтарли билинмади.

Мана Неймар «ПСЖ»га ўтди, бироқ, Франция чемпионати ҳам ўша-ўша мавқеда турибди. Ла Лига бренди исталган футболчидан устун», - деди Тебас Marca нашри билан суҳбатда.