Терма жамоа сафидаги урган голлари сони жаҳон рекордчиси ҳисобланган эронлик Али Дайи ўзининг натижасига яқинлашиб келаётган Криштиану Роналду ҳақида ўз фикрини билдириб ўтди. Дайи фаолияти давомида миллий жамоа формасида 109та гол урган бўлса, Роналдунинг ҳисобида 102та гол мавжуд.

«Чин дилдан умид қиламан, Роналду менинг натижамни янгилайди. Ҳафсалам пир бўладими? Йўқ, агар Криштиану каби футболчи менинг натижамни янгиласа, бу мен учун фахр бўлади. Роналду — нафақат ўз замонасининг, балки футбол тарихидаги энг яхши ўйинчилардан бири. У ноёб иқтидор эгаси.

Агар рекорд янгиланса, мен Криштиануни табриклайман. Роналдунинг голлари 102тага етди. Ишончим комил, у менинг рекордимни янгалайди. Бунинг учун у еттита гол урса, кифоя қилади», — деди Дайи.