Осиёнинг бир қатор терма жамолари 16 ноябрь, душанба куни ўртоқлик ўйинларида иштирок этди.

Бирлашган Араб Амирликлари ўз майдонида Баҳрайн билан баҳс юритди. Дастлаб майдон эгалари Кайонинг голи эвазига олдинга ўтиб олди. Бунга меҳмонлар иккинчи бўлимда учта гол билан жавоб қайтаришга муваффақ бўлди. 75-дақиқада Муҳаммад Марҳун мувозанатни тиклаган бўлса, ўйин якунланиши арафасида Муҳаммад ар-Рамайҳи дубль қайд этган ҳолда Баҳрайнга иродали ғалабани тақдим этди.

Яна бир ўйин Иордания ва Сурия терма жамоалари ўртасида кечди. Учрашувнинг 13-дақиқасида Баҳа Файсал Иорданияни олдинга олиб чиқди. Биринчи бўлим якунланиши арафасида Иордания Файсалнинг четлатилишидан кейин бир ўйинчи кам бўлиб қолди. Бироқ сурияликлар сондаги устунликдан фойдалана олмади ва ҳисоб ўйин якунига қадар сақланиб қолди.

Эслатиб ўтамиз, 12 ноябрь куни Сурия терма жамоаси Ўзбекистонни 1:0 ҳисобида мағлуб этганди.

Ўртоқлик учрашувлари
16 ноябрь, душанба

БАА — Баҳрайн 1:3
Голлар: 1:0 – 34 Кайо, 1:1 – 75, пенальти Марҳун, 1:2 – 82 ар-Ромайҳи, 1:3 – 85 ар-Ромайҳи.

Иордания — Сурия 1:0
Гол: 1:0 – 13 Баҳа Файсал.
Четлатиш: Баҳа Файсал (41) — Иордания.