Osiyoning bir qator terma jamolari 16 noyabr, dushanba kuni o‘rtoqlik o‘yinlarida ishtirok etdi.

Birlashgan Arab Amirliklari o‘z maydonida Bahrayn bilan bahs yuritdi. Dastlab maydon egalari Kayoning goli evaziga oldinga o‘tib oldi. Bunga mehmonlar ikkinchi bo‘limda uchta gol bilan javob qaytarishga muvaffaq bo‘ldi. 75-daqiqada Muhammad Marhun muvozanatni tiklagan bo‘lsa, o‘yin yakunlanishi arafasida Muhammad ar-Ramayhi dubl qayd etgan holda Bahraynga irodali g‘alabani taqdim etdi.

Yana bir o‘yin Iordaniya va Suriya terma jamoalari o‘rtasida kechdi. Uchrashuvning 13-daqiqasida Baha Faysal Iordaniyani oldinga olib chiqdi. Birinchi bo‘lim yakunlanishi arafasida Iordaniya Faysalning chetlatilishidan keyin bir o‘yinchi kam bo‘lib qoldi. Biroq suriyaliklar sondagi ustunlikdan foydalana olmadi va hisob o‘yin yakuniga qadar saqlanib qoldi.

Eslatib o‘tamiz, 12 noyabr kuni Suriya terma jamoasi O‘zbekistonni 1:0 hisobida mag‘lub etgandi.

O‘rtoqlik uchrashuvlari
16 noyabr, dushanba

BAA — Bahrayn 1:3
Gollar: 1:0 – 34 Kayo, 1:1 – 75, penalti Marhun, 1:2 – 82 ar-Romayhi, 1:3 – 85 ar-Romayhi.

Iordaniya — Suriya 1:0
Gol: 1:0 – 13 Baha Faysal.
Chetlatish: Baha Faysal (41) — Iordaniya.