Миллатлар Лигаси доирасидаги Испанияга қарши кечган баҳсда немис посбони ўз дарвозасидан жавобсиз 6 та тўп ўтказиб юборди. 

Машҳур Opta порталининг маълум қилишича, Нойер миллий терма жамоага жалб этилганидан буён хали бирор марта бундай натижани қайд этмаган эди. У хозирча ушбу турнир доирасида 4 марта майдонга тушиб, ўз дарвозасидан жами 11 та гол ўтказишга улгурди. Бу натижа ҳам немис кипери учун мутлақо антирекорд хисобланади. 

Шуни ҳам таькидлаб ўтиш керакки, Нойер Германия сафидаги кечаги расмий ўйини билан терма жамоада майдонга тушиш сони бўйича афсонавий Зепп Майерни ортда қолдирди (96 баҳс).