Осиёнинг бир қатор терма жамоалари 17 ноябрь, сешанба куни ўртоқлик учрашувларида иштирок этди.

ЖЧ—2022 саралаш босқичида Ўзбекистон терма жамоаси билан бир гуруҳдан жой олган Саудия Арабистони ўз майдонида Ямайкани қабул қилди. Дастлаб саудияликлар Абдуллоҳ ал-Ҳамданнинг голидан кейин олдинга ўтиб олди. Бунга меҳмонлар Дэниэл Жонсон ва Ёван Истнинг голлари билан жавоб қайтарди.

Қайд этиш жоиз, Саудия Арабистони 14 ноябрь куни ҳам Ямайкага қарши баҳс олиб борган ва унда 3:0 ҳисобидаги ғалабани қўлга киритганди.

Жанубий Корея ва Қатар терма жамоалари Австриядаги йиғин доирасида ўзаро баҳс юритди. Учрашувнинг илк дақиқасидаёқ Ҳван Ҳи Чан кореяликларни олдинга олиб чиққан бўлса, 10-дақиқада Алмоиз Али мувозанатни тиклади.

36-дақиқада Ҳван Уи Жо номинал мезбонларнинг иккинчи голини урди. Қолган вақтда ҳисоб ўзгармади.

Ўртоқлик учрашувлари
17 ноябрь, чоршанба
Саудия Арабистони — Ямайка 1:2
Голлар: 1:0 – 29 ал-Ҳамдан, 1:1 – 34 Жонсон, 1:2 – 64 Ист.

Жанубий Корея — Қатар 2:1
Голлар: 1:0 – 1 Ҳван Ҳи Чан, 1:1 – 10 Алмоиз Али, 2:1 – 36 Ҳван Уи Жо.

Бангладеш — Напал 0:0