Германия футбол иттифоқи раҳбарияти мамлакат бош жамоасига янги бош мураббий излаш ишларини бошлаб юборди.

Кеча Германия Испания (0:6) терма жамоасига йирик ҳисобда мағлуб бўлди ва Миллатлар Лигасининг ярим финал босқичига чиқа олмади. Ушбу натижа терма жамоанинг расмий ўйинларидаги энг йирик мағлубияти бўлди.

Sport Bild нашрининг тарқатган маълумотига қараганда, Германия футбол иттифоқт раҳбарияти Мюнхеннинг «Бавария» клуби бош мураббийи Ханс-Дитер Фликнинг хизматларига қизиқиш билдирмоқда. Агар Йоахим Лев кейинги йилнинг ёзида истеъфога чиқариладиган бўлса, у ҳолда унинг ўрнига Фликни олиб келишга ҳаракати бошланади.

Қайд этилишича, "Бавария" раҳбарияти Давид Алаба ва Жером Боатенгларнинг кейинги йилнинг ёзида жамоани тарк этиши ҳақидаги Фликнинг қароридан норози бўлмоқда.

Бу икки футболчининг ҳам келаси йили ёзда шартномаси якунланади ва улар билан бош мураббийнинг қарорига асосан шартнома узайтирилмайдиган бўлди.