Ҳамюртимиз Жасур Жалолиддинов тўп сураётган Россиянинг «Тамбов» клуби футболчилари РПЛ доирасида «Спартак» клубига қарши бўладиган учрашувда бойкот эълон қилишмоқчи, агар ойлик-маошлар ўйин кунигача тўлаб берилмаса.
«Айни пайтда Тамбов вилояти ҳокимлиги 2020/2021 йилги мавсум учун керакли маблағларни ўтказиб бермаган.
Ўтган чемпионатнинг сўнгги туридан олдин, яъни шу йилнинг июль ойида «Тамбов»нинг ЦСКА клубига қарши Москвада бўладиган ўйинидан олдин Тамбов вилояти губернатори Александр Никитин футболчилар билан учрашиб, клубни молиялаштиришга ваъда берганди, бироқ, бу ваъда ҳозиргача бажарилмади», – деди клуб мутасаддиларидан бири.
«Тамбов»нинг «Спартак» клубига қарши ўйини 5 декабрь кунига режалаштирилган. Унгача эса "Тамбов" клуби «Краснодар» ва «Уфа» клублари билан ўйнайди.
