Профессионал бокснинг супер ўрта (-76,2 кг) вазн тоифасида рингга чиқаётган Бектемир Мелиқўзиев (6-0, 5 КО) 2021 йилнинг 2 январ куни (Тошкент вақти билан 3 январ тонгида) навбатдаги жангини ўтказиши мумкин. Бу ҳақда спортчига яқин манбалар хабар бермоқда.
Бектемир Мелиқўзиев ҳозирда Ўзбекистонда бўлиб турибди ва 10 декабрга қадар яна АҚШга йўл олиши режалаштирилган. Қисқа муддат бўлишига қарамасдан уни 2 январдаёқ жангга қўйишлари кутилмоқда. Ҳозирча рақиб ким бўлиши ҳақида маълумотлар йўқ.
Маълумот учун, шу куни кечанинг марказий жангида енгил (-61,2 кг) вазн тоифасида WBC вақтинчалик чемпионлик камари учун Райан Гарсия Люк Кэмпбеллга қарши рингга кўтарилади.