Professional boksning super o‘rta (-76,2 kg) vazn toifasida ringga chiqayotgan Bektemir Meliqo‘ziyev (6-0, 5 KO) 2021 yilning 2 yanvar kuni (Toshkent vaqti bilan 3 yanvar tongida) navbatdagi jangini o‘tkazishi mumkin. Bu haqda sportchiga yaqin manbalar xabar bermoqda.
Bektemir Meliqo‘ziyev hozirda O‘zbekistonda bo‘lib turibdi va 10 dekabrga qadar yana AQSHga yo‘l olishi rejalashtirilgan. Qisqa muddat bo‘lishiga qaramasdan uni 2 yanvardayoq jangga qo‘yishlari kutilmoqda. Hozircha raqib kim bo‘lishi haqida ma’lumotlar yo‘q.
Ma’lumot uchun, shu kuni kechaning markaziy jangida yengil (-61,2 kg) vazn toifasida WBC vaqtinchalik chempionlik kamari uchun Rayan Garsiya Lyuk Kempbellga qarshi ringga ko‘tariladi.