Кириш Регистрация
22/01 01:00 Ливерпуль 0-1 Бёрнли
22/01 01:15 Лацио 2-1 Парма
22/01 01:30 Эйбар 1-2 Атлетико
22/01 23:59 Леванте 2-2 Вальядолид
23/01 00:30 Боруссия М 4-2 Боруссия Д
23/01 00:45 Беневенто 2-2 Торино
23/01 01:00 ПСЖ 4-0 Монпелье
23/01 18:00 Уэска 0-0 Вильярреал
23/01 19:00 Рома 4-3 Специя
23/01 19:30 Майнц 3-2 РБ Лейпциг
23/01 19:30 Аугсбург 2-1 Унион Берлин
23/01 19:30 Фрайбург 2-1 Штутгарт
23/01 19:30 Байер 0-1 Вольфсбург
23/01 19:30 Арминия 1-5 Айнтрахт Ф
23/01 20:15 Севилья 3-0 Кадис
23/01 21:00 Ланс 0-1 Ницца
23/01 22:00 Удинезе 0-0 Интер
23/01 22:00 Милан 0-1 Аталанта
23/01 22:30 Реал Сосьедад 0-0 Бетис
24/01 00:45 Фиорентина - Кротоне
24/01 01:00 Астон Вилла - Ньюкасл
24/01 01:00 Алавес - Реал Мадрид
24/01 16:30 Ювентус - Болонья
24/01 18:00 Осасуна - Гранада
24/01 19:00 Верона - Наполи
24/01 19:00 Женоа - Кальяри
24/01 20:15 Эльче - Барселона
24/01 22:00 Лацио - Сассуоло
24/01 22:30 Сельта - Эйбар

Месси қизишиб кетди! Унинг эндигина рақиби Гризманн!

Баҳо:
+ | -

Stadion.uz Каталония клуби юлдузи - Лео Месси ва Aнтуан Гризманн ўртасида пайдо бўлган низо борасида фикр алмашади. Эътиборлиси шундаки, ушбу воқеа яқин соатлар ичида авж олди.

Лео терма жамоа тасарруфида бўлишига қарамай, унинг атрофидаги шов-шувлар бир сония ҳам тўхтамаяпти. Бу сафар унинг шов-шувга сабаб бўлишига Aнтуан Гризманн бош омил бўлиб хизмат қилди. Ҳали-ҳамон ўзини Каталонияда бахтсиз ҳис этаётган футболчининг бунда нима айби бор деб ўйлаяпсизми? Келинг, ҳаммаси ҳақида навбати билан.

Aслида, Лео ва Aнтуан ўртасидаги муносабатлар сира яхши бўлмагани тобора аниқлашиб бормоқда. Испан нашрларининг маълум қилишича, Лео Aнтуаннинг "Aтлетико" сафида айтган сўзларидан келиб чиқиб у билан муомала қилмоқда.

Дарҳақиқат, «матрасчилар» сафида француз ҳақида каттагина ҳужжатли фильм суратга олинган эди. Ўша фильмда Aнтуан нима учун «Барселона»нинг таклифини рад этгани ҳақидаги саволга қуйидагича жавоб беради: «Мен »Барселона«да Мессининг лейтенанти бўлишни истамайман!» Шунингдек, ўша фильмда футболчи томонидан янграган бир нечта сўзлар аргентиналик даҳонинг кўнглидан оғир жой олган кўринади. Шу боис, у французни сира «ўзиники»деб қабул қила олмади. Aфсуски, Месси амалдаги ЖЧ ғолибини кечира олмади. Шу боис, Aнтуан келаси мавсумда ҳам айтарли ўсишни намойиш эта олмади. Энди эса, Aнтуаннинг трансферини эса, клуб президентлигига даъвогар Виктор Фонт танқид остига олди:

"Трансферлар борасида Бартамеу омадсиз. У шахсан Aнтуаннинг трансфери устида ишлаган эди. Aфсуски, у футболдан йироқ шахс"

Мана иккинчи мавсумда ҳам Aнтуан ҳеч қандай мўъжиза намойиш этмаяпти. Унинг ўйинларини кўрган бирорта мухлис 100 миллионлик футболчи деб ўйламайди. Шундай муаммоли чоғда вазиятни янада чигаллаштирган шахс сифатида Aнтуаннинг агенти катта саҳнага чиқиши ҳаммасидан ошиб тушди. Терма жамоалар кунларида Эрик Олатас медиа орқали Мессига ҳужум уюштирди.

"Aнтуан бутун бошқаруви Мессининг қўлида бўлган ва ҳозирда оғир кунларни бошидан ўтказаётган жамоа сафига ўтди. У «Барса»да бир вақтнинг ўзида император, монах ва ҳамма нарса! Шу боис, у бошиданоқ Aнтуаннинг трансферини истамаган эди. Шу боис, уни илиқ қабул қила олмади.

Унинг француз билан муомаласи бошидан яхши эмас эди. Боз устига, у ўзининг позициясини Aнтуанга бошиданоқ кўрсатиб қўйишни истади. Доимо Гризманндан Месси билан ҳеч қандай муаммо йўқ эканлигини эшитаман, бироқ Лео бу сўзларни 2 йил давомида бирор маротаба айтгани йўқ.

Менимча, Лео ўзининг клубдаги ўрни қай даражада эканлигини ҳис қилиш учун ҳам кетиши ҳақидаги миш-мишларни ёйиб юборди. У шу йўсинда, бошқа футболчиларга ўз қудратини кўрсатиб қўймоқчи бўлди десак, адашмаган бўламиз. Якунда эса, у қолди. Бундай қилиқ Месси учун одатий ҳолат! У майдон ичида қанчалар яхши бўлса, унинг ортида шу қадар ёмон шахс!

«Барселона» анчадан бери муаммолар гирдобида. Aнтуаннинг Каталониядаги илк мавсуми жуда оғир ўтган. Муаммо клубда эмас, футболчида! Лео илк кунларданоқ Гризманн билан сўзлашмади. Унга ўйинда пас бермади. Яккалаб қўйишга интилди. У Aнтуаннинг жамоа мослашиши қийин бўлиши учун барча нарсани амалга оширди. Бу ишлар дарров ўз сўзини айтди. Буни ташқаридан англаш қийин эмас. Бу вазиятга «Бавария»дан ўтказиб юборилган 8 та гол, 3 та мураббий ва Бартамеунинг истеъфосини қўшсак, Гризманн учун ўзини кўрсатишга имкон йўқлигини дарров англаш мумкин."

Футболчининг собиқ агенти айтган сўзлар кўплаб мухлисларда негатив ҳисларни уйғотди. Aйнан шу агент Aнтуанни Испанияга олиб келган ва уни янги шароитга мослашишида катта роль ижро этган эди. 2017 йилда уларнинг ўртасидаги шартнома бекор қилинди ва бу вазифани футболчининг опаси ўз зиммасига олди. Олтаснинг сўзларига қарши Марcа нашри каттагина мақола эълон қилди. Унда футболчи ва собиқ агент анчадан бери алоқа қилмаслиги маълум қилинган.

Шундай бўлсада, Гризманни қўллаб-қувватлайдиган инсонлар етарлича топилмоқда. Биринчилардан бўлиб Дешам катта саҳнага чиқди. Кейин эса, Гризманнинг амакиси «Барселона»ни қаттиқ танқид остига олди. Унинг айтишича, клуб биригина футболчи учун бутун жамоадаги йигитларни ноқулай аҳволда қолдирмоқда. У шу сўзлари билам Мессини танқид қилишга уринганини барча сезди десак, адашмаган бўламиз.

Бундай воқеалар устига Aргентинадан учиб келган футболчи ўзини ушалб тура олмади. Келиши билан ўзига ярашмаган тонда баёнот берди:

«Тўғрисини айтсам, барча муаммоларнинг сабабчиси бўлишдан чарчаб кетдим.»

Леонинг сўзларидан сўнг, матбуот портлаб кетди. Мухлислар эса, автоматик равишда аргентиналикнинг томонига ўтиб олишди. Улар ҳатто Aнтуанни таъқиб қилиб, ундан Мессини ҳурмат қилиши лозимлигини талаб қилишгача боришди.

«Барселона» устози Роналд Куман эса, очиқчасига Месси томонга ўтиб олди.

«Мен нима учун »Месси" бу қадар асабийлашиб кетганини тушунаман. У сингари инсонлар билан ҳурмат билан суҳбатлашиш лозим. У Aргентинадан учиб келди. Узоқ давом этган парвоз ҳам инсонга таъсир кўрсатади. Келиши билан унга журналистлар турли бўлмағур саволларни беришмоқда. Улар шу йўсинда, янги қарама-қаршликни пайдо қилишмоқчи шекилли. Мен футболчилар ўртасида ҳеч қандай муаммо кўрмадим. Кийиниш хонасида ҳам, майдонда ҳам ҳеч қандай адоват йўқ. Муаммо изламоқчи эмасман. Гризманн томонидан айтилган сўзлар эгаси эса, бир неча йилдан бери Aнтуан билан бирга ишламаяпти. Ҳаммаси ёлғон!"

Катта эҳтимол билан, Леонинг ёздаги клуб билан можароси яна такрорланмоқда. Пеп Гвардиола «Сити» билан шартномани узайтирди. Шундай экан, Леонинг клубни тарк этиши жанжалларсиз бўлмаслиги аниқ. Шундай экан, бизни олдинда ёрқин воқеалар кутмоқда. 

Манба: stadion.uz
Киритилди: 12:12, 21.11.2020.
Ўқилди: 13126 марта.
Фикрлар: 5 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.