«Манчестер Сити» устози «Тоттенҳем»дан учралган мағлубиятдан сўнг (0:2) ўз фикрлари билан ўртоқлашди.

«Бизда номинал ҳужумчисиз ўйнаш серияси афсуски, жуда узоқ чўзилиб кетяпти. Ҳар бир ўйинда бу камчилик яққол кўзга ташланмоқда. Яратаётган шунча вазиятларимизни самарали якунлашда жиддий муаммоларга дуч келяпмиз. Бугун ҳам энг қулай имкониятларга биз кўпроқ эга бўлгандик. Лекин шу ерда Агуэронинг йўқлиги анча билинди.

Моуриньо эса ҳақиқий профессионал. Унга битта имконият тақдим этсанг ҳам жазоланасан. Рақибларимиз совуққонлик эвазига биздан устун чиқишди. Дастлабки 5 дақиқадаги ўтказиб юборилган голдан кейин ўзимизни ўнглаб олиш қийин кечди», - дейди испаниялик мутахассис.

Дарҳақиқат, «шаҳарликлар»да жорий мавсум вазиятларни аниқ якунлаш борасида жиддий камчиликлар кўзга ташланмоқда. Клуб якунига етган 6 та баҳсда атиги 5 тагина гол урган холос.