Германия чемпионатининг 8-тури доирасида Дортмунднинг «Боруссия» клуби Берлинда «Герта» меҳмони бўлиб, йирик ҳисобда ғалаба қозонди.

Мезбонлар баҳснинг 33-дақиқасида ҳисобни очишга муваффақ бўлишди. Иккинчи бўлимда эса дортмундликлар рақибни тўлиқ тор-мор этишди. Меҳмонларнинг 5та голидан 4таси Эрлинг Холанд ҳисобига ёзилди.

"Герта" футболчиси Матеус Кунья 79-дақиқада пенальтидан ўзининг иккинчи голини уриб, ҳисобни бироз қисқартирди.

Ушбу ғалабадан кейин "Боруссия" ўз очколарини 18тага етказиб, жадвалда 2-ўринга қайтди. Жамоа пешқадам "Бавария"дан 1 очко ортда қолмоқда.

Германия бундеслигаси, 8-тур
Герта – Боруссия Д 2:5 (1:0, 1:5)
Голлар: 1:0 – 33 Матеус Кунья, 1:1 – 47 Холанд, 1:2 – 49 Холанд, 1:3 – 62 Холанд, 1:4 – 70 Геррейру, 1:5 – 79 Холанд, 2:5 – 79, пенальти Матеус Кунья.
Герта – Шволов, Пекарик (Миттельштедт, 85), Альдерете, Платтенхардт (Зефейк, 85), Штарк, Гендузи, Дарида (Левен, 76), Лукебакио (Лекки, 75), Боята, Пионтек (Нганкам, 76), Матеус Кунья.
Боруссия Д – Бюрки, Менье, Хуммельс, Аканджи, Геррейру (Шульц, 85), Дауд (Беллингем, 62), Эмер Жан (Пишчек, 76), Брандт, Витцель, Ройс (Рейна, 77), Холанд (Мукоко, 85).
Огоҳлантиришлар: Геррейру (10), Матеус Кунья (61).