Germaniya chempionatining 8-turi doirasida Dortmundning «Borussiya» klubi Berlinda «Gerta» mehmoni bo‘lib, yirik hisobda g‘alaba qozondi.

Mezbonlar bahsning 33-daqiqasida hisobni ochishga muvaffaq bo‘lishdi. Ikkinchi bo‘limda esa dortmundliklar raqibni to‘liq tor-mor etishdi. Mehmonlarning 5ta golidan 4tasi Erling Xoland hisobiga yozildi.

"Gerta" futbolchisi Mateus Kunya 79-daqiqada penaltidan o‘zining ikkinchi golini urib, hisobni biroz qisqartirdi.

Ushbu g‘alabadan keyin "Borussiya" o‘z ochkolarini 18taga yetkazib, jadvalda 2-o‘ringa qaytdi. Jamoa peshqadam "Bavariya"dan 1 ochko ortda qolmoqda.

Germaniya bundesligasi, 8-tur
Gerta – Borussiya D 2:5 (1:0, 1:5)
Gollar: 1:0 – 33 Mateus Kunya, 1:1 – 47 Xoland, 1:2 – 49 Xoland, 1:3 – 62 Xoland, 1:4 – 70 Gerreyru, 1:5 – 79 Xoland, 2:5 – 79, penalti Mateus Kunya.
Gerta – Shvolov, Pekarik (Mittelshtedt, 85), Alderete, Plattenxardt (Zefeyk, 85), Shtark, Genduzi, Darida (Leven, 76), Lukebakio (Lekki, 75), Boyata, Piontek (Ngankam, 76), Mateus Kunya.
Borussiya D – Byurki, MenYE, Xummels, Akandji, Gerreyru (Shuls, 85), Daud (Bellingem, 62), Emer Jan (Pishchek, 76), Brandt, Vitsel, Roys (Reyna, 77), Xoland (Mukoko, 85).
Ogohlantirishlar: Gerreyru (10), Mateus Kunya (61).