«Манчестер Сити» футболчиси Кевин Де Брюйне кечаги баҳсда содир бўлган "VAR" борасидаги қарорлардан норози.
«Мен ҳалигачаям "VAR"ни тушунолмаяпман. Майдонда бундан ортиқ яна қандай ўйнаш керак?! Жезус бунақа майда қоидаларни икир-чикиригача ҳисоблаб, кейин тўп тепсинми?! Ҳакамларнинг қарори умуман мантиқсиз кўринишда эди.
Мен 12 йилдан бери футбол ўйнаб келаётган бўлсам, яқин йилларгача ҳам завқланиб тўп тепдим. Деярли адолатсизликка учрамаганман. "VAR"дагилар ўйин темпини ҳис қила олишмайди. Мана, майдонга тушишсин билишади. Қоидалардан кўнглим совиб боряпти энди улар менга қизиқ эмас», - дейди бельгиялик плеймейкер.
Эслатиб ўтамиз, кеча учрашувнинг 27-дақиқасида тўп Жезуснинг қўлига бехосдан тегиб кетганлиги сабабли «шаҳарликлар»нинг бир голи олинмаган эди.
