Италиянинг «Интер» клуби бош мураббийи Антонио Контенинг фикрича, жамоа ярим ҳимоячиси Кристиан Эриксен етарлича имкониятга эга бўлди.
«Мен доим айтиб келганман, ҳар бир қарорим «Интер» манфаатлари учун қабул қилинади. Ўйлайманки, Кристианга бошқа футболчиларга қараганда жуда кўплаб имконият берилди. Мен қачонки керак деб ҳисоблаганимда у асосий таркибда майдонга тушади. Ҳозирча унга эҳтиёж сезилмаяпти.
Мен уни таянч ярим ҳимояга қўя олмайман. Бу позиция уни жазолайди. Кристианда муҳим устунликлар бор, у тўпга икки оёғида ҳам бир хил зарба бера олади. Агар унга бошқа вазифалар юкласангиз, масалан ҳимоячилар олдига қўйсангиз - уни кўп устунликдан маҳрум қилган бўласиз», — деди Антонио Конте.
