Лондоннинг «Челси» клуби ҳужумчиси Тэмми Абрахам АПЛ доирасида «Ньюкасл» (2:0) устидан қўлга киритилган ғалаба ҳақида фикрлари билан ўртоқлашди.

«Бизнинг кучли нуқтамиз - тезкор қарши ҳужумда эканлигини яхши биламиз, шунинг учун мен тўпни тўғри позицияда кутишим керак эди. Чарчоқ сезилди, лекин сўнгги зарбани беришим керак эди. Мен дарвозабонни алдаб ўтиб гол киритиб, «Челси»нинг барча мухлисларини хурсанд қилмоқчи эдим.

Биз узоқ вақт бир тўп фарқи билан олдинда бўлдик, лекин бу жуда қалтис ҳисоб эканлигини билардик. Ўйин охиригача 1:0 ҳисобини ушлаб қола олмаслигимиз борасида хавотир бор эди. Бироқ, биз ўша кеча ютишимиз шарт эканлигини сезардик, шунинг учун иккинчи голни киритиш учун олдинга ташландик.

Асосий таркибда эканлигимдан фахрланаман. Етти йилдан бери «Челси»да ўйнаб келяпман ва қачонки майдонда бўлсам 9-рақамнинг вазифаларини амалга оширяпман», — деди Тэмми Абрахам.