Каталониянинг «Барселона» клуби бош мураббийи Роналд Куман ЕЧЛнинг 4-тур доирасида Киевнинг «Динамо» клубига қарши бўлиб ўтадиган учрашув ҳақидаги фикрлари билан ўртоқлашди.

– «Динамо»дан нима кутяпсиз?

– Гарчи, «Камп Ноу»да ғалаба қозонган бўлсак-да, ўйин қийин кечганди. Эртага ғалаба қозониш учун яхшироқ ўйин намойиш этишимиз керак.

– Умтитини майдонга қайтишини қанча кутиш керак?

– Икки ҳафталардан кейин уни майдонга туширишни мўлжаллаяпмиз, у июль ойидан бери майдонга тушмади.

– Жамоанинг ҳиссиётлари қандай?

– Бу натижага боғлиқ, биз ҳозир ўзимизни бахтиёр ҳи эта олмаймиз. Бироқ, бу бизда амбиция йўқлигини англатмайди. Эртага бизни яна бир муҳим ўйин кутмоқда, плей-офф босқичига йўл олишимизга бир қадам қолди, ушбу имкониятдан фойдаланишимиз керак. Бор эътиборимни ишимга қаратганман. Футболчиларнинг меҳнатларидан қониқяпман, лекин натижалар мени қониқтирмаяпти.

– Вазиятни қандай қилиб ўзгартитиш мумкин?

– Ўзимизнинг энг яхши тарафларимизни кўрсатишимиў керак. Нафақат ҳимояда ўйинимизни кучайтиришимиз керак, балки ҳужумда ҳам фаол ўйнашимиз керак. Биз самарадор ўйин намойиш эта олмаяпмиз.

– Эртанги ўйин сизнинг структурангизни ўзгартирадими?

– Бизнинг схемамиз - 4-2-3-1, гоҳида "Барселона" фақат 4-3-3 тактикаси остида ўйнаётгандек туюлади, бу мажбуриятга боғлиқ. Биз шунингдек, учта ярим ҳимоячи билан ҳам ўйнай оламиз.

– «Динамо»га қарши ўйин ҳақида нималарни ўйлаяпсиз?

– "Динамо" - яхши рақиб. Аминманки, коронавирус сабабли уларнинг таркибида ўзгаришлар блади. Бизнинг мақсад - фақат ғалаба қозониш", – деди Куман.