Kataloniyaning «Barselona» klubi bosh murabbiyi Ronald Kuman YECHLning 4-tur doirasida Kiyevning «Dinamo» klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.

– «Dinamo»dan nima kutyapsiz?

– Garchi, «Kamp Nou»da g‘alaba qozongan bo‘lsak-da, o‘yin qiyin kechgandi. Ertaga g‘alaba qozonish uchun yaxshiroq o‘yin namoyish etishimiz kerak.

– Umtitini maydonga qaytishini qancha kutish kerak?

– Ikki haftalardan keyin uni maydonga tushirishni mo‘ljallayapmiz, u iyul oyidan beri maydonga tushmadi.

– Jamoaning hissiyotlari qanday?

– Bu natijaga bog‘liq, biz hozir o‘zimizni baxtiyor hi eta olmaymiz. Biroq, bu bizda ambisiya yo‘qligini anglatmaydi. Ertaga bizni yana bir muhim o‘yin kutmoqda, pley-off bosqichiga yo‘l olishimizga bir qadam qoldi, ushbu imkoniyatdan foydalanishimiz kerak. Bor e’tiborimni ishimga qaratganman. Futbolchilarning mehnatlaridan qoniqyapman, lekin natijalar meni qoniqtirmayapti.

– Vaziyatni qanday qilib o‘zgartitish mumkin?

– O‘zimizning eng yaxshi taraflarimizni ko‘rsatishimio‘ kerak. Nafaqat himoyada o‘yinimizni kuchaytirishimiz kerak, balki hujumda ham faol o‘ynashimiz kerak. Biz samarador o‘yin namoyish eta olmayapmiz.

– Ertangi o‘yin sizning strukturangizni o‘zgartiradimi?

– Bizning sxemamiz - 4-2-3-1, gohida "Barselona" faqat 4-3-3 taktikasi ostida o‘ynayotgandek tuyuladi, bu majburiyatga bog‘liq. Biz shuningdek, uchta yarim himoyachi bilan ham o‘ynay olamiz.

– «Dinamo»ga qarshi o‘yin haqida nimalarni o‘ylayapsiz?

– "Dinamo" - yaxshi raqib. Aminmanki, koronavirus sababli ularning tarkibida o‘zgarishlar bladi. Bizning maqsad - faqat g‘alaba qozonish", – dedi Kuman.