TyC Sports порталининг тарқатган маълумотига қараганда, Лондоннинг «Арсенал» клуби ярим ҳимоячиси Месут Ўзил Саудия Арабистонининг «Ал-Наср» клубига ўтишдан бош тортди.
Араблар 31 ёшли германиялик футболчига 5 миллион евро маошли икки йиллик шартнома таклиф қилишди, бироқ, Ўзил бу таклифга розилик бермади.
Хабарда айтилишича, «Арсенал» ойлик-маошларни қисқартириш учун германиялик футболчини сотиш ниятида. Ўзилнинг "тўпчилар" билан шартномаси келаси йилнинг ёзида якунига етади.
Жорий мавсум Ўзил бир марта ҳам майдонга тушмади, ҳатто Европа Лигасига рўйхатдан ҳам ўтказилмади.
