«Барселона» бош мураббийи Роналд Куман Чемпионлар лигаси доирасида бўлиб ўтган «Динамо Киев»га қарши ўйин (4:0) борасида ўз фикрини билдириб ўтди.

«Биз ўз мақсадимизга эришдик — плей-оффга чиқдик. Таассуротлар ижобий. Жамоа кўп куч сарфлади. Биринчи бўлимда вазиятлардан фойдалана олмаган бўлсак, иккинчи бўлимда яхши ўйнадик ва майдонда ҳукмронлик қилдик. Натижадан қониқиш ҳосил қилдим. Жамоавий ўйин менга ёқди. Барча сидқидилдан меҳнат қилди. Барча футболчилар ўйинга чанқоқ эдилар. Ёшлар ўзларини яхши томондан кўрсатишди.

Тактик нуқтаи назардан яхши ўйнадик. Концентрацияни йўқотмадик ва сўнгги дақиқага қадар ўйинни назорат қилдик. Ротация туфайли етакчиларга дам бериб, жисмоний жиҳатдан яхшироқ тайёргарликка эгаларга имкон бердик. Улар ишончни оқлашди», – деди Куман.