Германиянинг "Лейпциг" клуби ЕЧЛ доирасида Франциянинг "ПСЖ" клубига етарлича муаммо туғдирди, бироқ якунда мағлубиятга учради – 0:1. Учрашувдаги ягона гол пенальтидан киритилди. Бош ҳакам Ди Марияга нисбатан ўйин қоидаси бузилди деб топди ва 11 метрли жарима тўпини белгилади. "Лейпциг" устозининг фикрича, бундай пенальтидан футболнинг чиройини бузади.

«Ҳатто уларда битта ҳам имконият бўлмади. Пенальти – кулгули. Бундай вазиятни кўриш аламли. Ўша вазиятда ўйин қоидаси бузилмаганди. VAR тизимида ўтирганлар афтидан бошқа ўйинни томоша қилишаётганди шекилли.

Биз ғалабага лойиқ эдик, аммо гуруҳимизда ёмон вазият юзага келди», – мураббийнинг сўзларидан иқтибос келтирмоқда Sky Germany.

«РБ Лейпциг» гуруҳдаги кейинги ўйинни Туркияда «Истамбул» клубига қарши ўтказади. Кейин эса ўз майдонида «Манчестер Юнайтед»ни қабул қилади.