Англиянинг «Манчестер Юнайтед» клуби ЕЧЛ доирасида «Истамбул» клубидан реванш олди – 4:1. Жамоа бош мураббийи Оле-Гуннар Сульшер бошланғич таркибда майдонга тушган Донни ван де Бек ва Эдинсон Каваниларнинг ўйинига баҳо берди.

«Биз ўйинни дастлабки дақиқалариданоқ интенсив ҳаракат қила бошладик. ЕЧЛда ўйнаш завф бағишлайди. Мен кўрсатган ўйинимиздан қониқдим, чиройли гол киритдик.

Ван де Бек ва Каванилар бизнинг талаб қилаётган нарсаларимизга кўникиб боришмоқда. Доннида бир нечта позицияларда ўйнаш имконияти бор, Эдинсон – классик «тўққизлик». Таркибимизда анчадан бери бундай футболчилар бўлмаганди», – деди норвегиялик мураббий BT Sport билан суҳбатда.