Аргентина ҳукумати мамлакат терма жамоасининг собиқ футболчиси ва собиқ бош мураббийи Диего Марадонанинг дафн маросимида 1 миллионга яқин киши иштирок этишини тахмин қилмоқда, дея хабар тарқатмоқда Nacion нашри.
Манбанинг ёзишига қараганда, айни пайтда коронавирус пандемияси сабабли, ҳукумат дафн маросимини ташкил этиш борасида иш олиб бормоқда. Дафн маросими бир неча кун давом этиши мумкинлиги ҳам истисно қилинмаяпти.
Маросим Каса Росададаги президент саройида ўтказилади. Ҳукумат аъзолари ҳозирча дафн маросимини нечта бинода ўтказилиши ҳақида маълумот беришмади.
Охирги марта Каса Росададаги президент саройида дафн маросими ўн йил аввал Аргентинанинг собиқ президенти Нестор Киршнер вафот этганида ўтказилганди.
