2021 йили бўлиб ўтадиган аёллар ўртасида U20 Осиё чемпионати саралаш баҳсларининг дастлабки босқичи учун қуръа ташлаш маросими 23 декабрь куни ОФК бош қароргоҳида ўтказилиши режалаштирилган.

U20 Осиё чемпионати саралаш баҳслари режа бўйича икки босқичда ўтказилади. Келаси йилнинг 17-21 март кунлари дастлабки босқичда жами 32 жамоа вакиллари 8 гуруҳга бўлинган ҳолда, навбатдаги босқичнинг 8 йўлланмаси учун беллашадилар.

Мазкур гуруҳ учрашувларига Австралия, Хитой, Хитой Тайпейи, Лаос, Монголия, Мянма, Сингапур ва Тожикистан мамлакатлари мезбонлик қилади.

Рустам Арипов мураббийлиги остидаги U20 Ўзбекистон аёллар терма жамоаси қуръа ташлаш маросимида 1-саватчадан ўрин оладиган бўлди.

Қуръа саватчалари:

Мезбонлар саватчаси: Австралия, Хитой, Хитой Тайпейи, Лаос, Монголия, Мянма, Сингапур, Тожикистан

1-саватча: Ветнам, Таиланд, Эрон, Ўзбекистон, Непал

2-саватча: Ливан, Қирғизистон, Иордания, Ҳиндистон, Малайзия, БАА

3-саватча: Бангладеш, Гонгконг, Гуам, Покистон, Мальдив ороллари

4-саватча: Индонезия, Ироқ, Кувейт, Шимолий Мариана ороллари, Фаластин, Филиппин, Шри Ланка, Туркманистон