Мадриднинг «Реал» клуби собиқ футболчиси Ройстон Дренте Владикавказнинг «Алания» клубида ўйнаган пайтларини ёдга олди. Нидерландиялик Дренте «Алания» таркибида 2013 йили тўп сурган, унгача эса ярим йил эркин агент бўлиб юрганди.

«Владикавказ – идеал бўлишдан йироқ шаҳар эди, ўша пайтда шаҳар деярли бузиб юборилганди. Ҳатто сиз бой бўлсангиз ҳам, у ерда қулай яшашнинг иложиси йўқ эди.

Ароқ? Баъзида ичиб турардик. Ароқ у ерда асосий маҳсулот саналади, ҳаттоки клубнинг автобусида ҳам ароқ бўларди. Ахир, бу - Россия-ку», - Дрентенинг сўзларидан иқтибос келтирмоқда rijnmond.nl портали.

Ройстон айни пайтда Нидерландиянинг «Козаккен Бойз» клубида тўп сурмоқда.