Бир гуруҳ хакерлар "Манчестер Юнайтед"дан маҳфий маълумотларни тарқатмаслик эвазига пул талаб қилмоқда, дея хабар тарқатяпти Daily Mail.

Бир ҳафта олдин клубдагилар тизимга киберҳужум юуштирганлиги ҳақида хабар беришганди. Шундан сўнг, мутахассислардан иборат гуруҳ ёлланиб, эҳтиёт чоралари кўрилганди.

Газетанинг ёзишича, пайшанба куни Миллий киберхавфсизлик марказидаги манбалар ҳозиргача тизимдаги ҳужумни олдини олишга ёрдам бераётганликларини тасдиқладилар.

Қайд этилишича, айни пайтда номаълум хакерлар клубдан қанча маблағ талаб қилаётганлиги ҳақида аниқ маълумот йўқ. Клубнинг ўз эса бу масала бўйича фикр билдиришдан бош тортди.