Хабарингиз бор, "Ювентус" ҳужумчиси Криштиану Роналду "А" Серия доирасидаги "Беневенто"га қарши ўйин қайдномасидан ўрин олмади. Туринликлар бош мураббийи Андреа Пирло нима учун Роналдуни кенгайтирилган таркибга киритмаганлигини тушунтирди.
"Криштиану шунча учрашувлардан кейин бироз чарчагани учун дам олади. Биз уни "Беневенто" билан ўйинга туширишни режа қилмаган эдик.
Алекс Сандро икки ойдан бери йўқ, у тикланишда давом этмоқда, аввалги формасига қайтиши учун унга вақт керак. Аммо у биз билан бирга боради", - деди Пирло.
