Италиянинг "Беневенто" клуби бош мураббийи Филиппо Индзаги Туриннинг "Ювентус" устози Андреа Пирло ҳақида фикр билдирди.
— Андреа Пирло ушбу лавозимга тайинлангани мени ҳайрон қолдирмади. Биз футболчи сифатида барча совринни қўлга киритган чемпион ҳақида гапиряпмиз. У "Милан"га келган кунидан бошлаб бизнинг орамизда илиқ муносабатлар пайдо бўлган.
У билан менинг агентим битта эди. Мен шартнома имзолаган куни Пирлони "Милан"га тавсия этишганди. Унга "Интер"да жой топилмаганди, лекин, якунда биз у билан "Милан"да муваффақиятларга эришдик, — Индзагининг сўзларидан иқтибос келтирмоқда Football Italia.
