Лондоннинг «Тоттенхэм» клуби бош мураббийи Жозе Моуриньо «Челси» клубига қарши ўйиндан олдинги фикрларини айтиб ўтди. Ушбу жамоалар ўртасидаги "Лондон дербиси" 29 ноябрь куни бўлиб ўтади.
«Қачонки сен фаворит бўлсанг, нима учун фаворит эканлигингни биласан. Сен буни қабул қилишинг ҳамда босим ва жавобгарликка дош беришинг керак.
Мен илгари кучли сармоялари бор, трансфер бозорининг чемпион клубларида ишлаганман. Мен ўшанда кучли босимни енгиб ўтишимга тўғри келган. Шу сабабли, мен ҳозир ўша босимдан ҳалосман. У босимни бошқалар ҳис қилишмоқда, биз эмас», - деди португалиялик мураббий.
